2022 წლის დეკემბრიდან რუსულ ძალებს 100 000 მოკლული და დაჭრილი ჰყავთ ბახმუტსა და უკრაინის სხვა რეგიონებში ბრძოლებისას, განაცხადა, თქვა აშშ-ის ეროვნული უშიშროების საბჭოს სტრატეგიული კომუნიკაციების კოორდინატორმა ჯონ კირბიმ.
აშშ-ის დაზვერვის შეფასებით, უკრაინაში ბოლო ხუთი თვის განმავლობაში, 20 000 რუსი ჯარისკაცი დაიღუპა, მათგან ნახევარი ვაგნერის მიერ დაქირავებული პირი იყო.
კირბიმ უკრაინული მხარის დანაკარგების შესახებ საუბარზე უარი თქვა.
„აქ ისინი არიან მსხვერპლი, რუსეთი კი აგრესორია“, – განაცხადა კირბიმ.
რუსების დანაკარგების შესახებ ზუსტი მონაცემები არ არსებობს. BBC-მ 28 აპრილს გამოაქვეყნა დაღუპული რუს სამხედროთა მიახლოებითი რაოდენობა, რომელთა გვარები ღია წყაროებშია ხელმისაწვდომი. ამ მონაცემებით, დადასტურებული იყო 21700 დაღუპულის ვინაობა. მათგან 2200 მოხალისე იყო, 1312- ვაგნერის წევრი.
