მალე თბილისში ტაქსიში მგზავრობის საფასურის გადახდა QR კოდითაც იქნება შესაძლებელი. ამის შესახებ თბილისის მერმა კახა კალაძემ თბილისის მთავრობის დღევანდელ სხდომაზე ისაუბრა.
მისი თქმით, QR კოდით გადახდა ნებაყოფლობითი იქნება და მისი მიბმა ნებისმიერ ანგარიშზეა შესაძლებელი – სიახლე 22 მაისიდან იქნება ხელმისაწვდომი.
მისი განცხადებით, QR კოდით გადახდა ნებაყოფლობითი იქნება და მისი დაკავშირება ნებისმიერ ანგარიშზე იქნება შესაძლებელი.
„კომპანია BKN301 Georgia-მ შემოგვთავაზა საინტერესო წინადადება. ვფიქრობ, ეს გადახდების მიღების ინოვაციური და სწრაფი მეთოდია QR კოდის გამოყენებით. ის შესაძლებელია მიებას ნებისმიერი პირის ანგარიშის ნომერს“, – განაცხადა კახა კალაძემ.
მისი თქმით, აღნიშნულ კოდებს მძღოლები 2023 წლის 22 მაისიდან დედაქალაქის სხვადასხვა სერვისცენტრში მიიღებენ.
„QR კოდები განთავსდება ავტომობილების სკამების საზურგეებსა თუ სხვა ადგილებზე. მომხმარებელი მობილური ტელეფონით დაასკანერებს QR კოდს და მარტივად გადაიხდის მგზავრობის საფასურს, ხოლო ტაქსის მძღოლი მომენტალურად მიიღებს თანხას მის საბანკო ანგარიშზე. სურვილისამებრ, მძღოლები კოდებს მიიღებენ 2023 წლის 22 მაისიდან დედაქალაქის სხვადასხვა სერვისცენტრში. კერძოდ, თბილისის მერიის სერვისცენტრი – ჟ. შარტავას ქ. N7; სამგორის სერვისცენტრი – მოსკოვის გამზირი N14; გლდანის სერვისცენტრი – დ. სარაჯიშვილის ქ. N1გ“, – აღნიშნა კახა კალაძემ.
