რუსეთის პრეზიდენტი ქალაქის რამდენიმე უბანში იმყოფებოდა, ჩერდებოდა და ესაუბრებოდა მოსახლეობას, – წერს რუსული მედია.
რუსული ჯარის მიერ ოკუპირებულ უკრაინულ ქალაქში პუტინი ვერტმფრენით ჩაფრინდა. ეს მისი პირველი გასვლაა კრემლიდან, მას შემდეგ, რაც ICC-მ მისი დაპატიმრების ორდერი გასცა ასობით ბავშვის უკრაინიდან უკანონო გაყვანის გამო. ამ ვიზიტით პუტინს სურს დასავლეთს აჩვენოს, რომ ჰააგის სასამართლოს მუქარა არაფრად მიაჩნია და თავისუფლად შეუძლია გადაადგილდეს. მარიუპოლში ჩასვლამდე, პუტინი ყირიმში იმყოფებოდა.
მარიუპოლის ნეველის რაიონში პუტინი სტუმრობდა ერთ-ერთ ოჯახს. რუსული მედია ავრცელებს ვიდეოებს, სადაც ჩანს, რომ რუსეთის ლიდერი ღამით მანქანით გადაადგილდება დასახლებულ რაიონში, შემდეგ, მიდის მარიუპოლის თეატრში, რომელიც რუსებმა ააფეთქეს და შემდეგ სამ თვეში სასწრაფოდ აღადგინეს.
რუსული მედია იტყობინება, რომ პუტინი ასევე შეხვდა გენერალური შტაბის უფროსს ვალერი გერასიმოვს, რომელიც უკრაინაში ომს ხელმძღვანელობს.
