რუსეთიდან საქართველოში გადმორიცხული აქტივების ნაწილით ხდება კრიპტოვალუტების შეძენა, – ამის შესახებ ეროვნული ბანკის პრეზიდენტის მოვალეობის შემსრულებელმა არჩილ მესტვირიშვილმა განაცხადა.
მისი თქმით, გასულ წელს სწრაფი ფულადი გზავნილების სახით დაახლოებით $2.3 მილიარდი გადმოირიცხა რუსეთიდან. თანხები შემოვიდა კაპიტალის და დეპოზიტების სახითაც, მათ შორის, გზავნილების არხებით. ეს თანხა დაახლოებით $1.2 მილიარდის ფარგლებში იყო.
არჩილ მესტვირიშვილის თქმით, ამ წყაროთი შემოდინებული სახსრებით კრიპტოაქტივებსაც ყიდულობდნენ.
„გამომდინარე მიზნობრიობიდან, ამ თანხებს – კრიპტოვალუტის შემოდინებას და გადინებას არავითარი გავლენა არ აქვს ფაქტობრივად და თუ ის მომავალში შემცირდება, ამას საქართველოზე მნიშვნელოვანი გავლენა არ ექნება“, – აღნიშნა არჩილ მესტვირიშვილმა.
