საქართველოში ამ დროისთვის 3 300 ელექტროავტომობილია რეგისტრირებული. თუ წინა, 2021-2022 წლების განმავლობაში ამ კატეგორიის ავტომობილების რიცხვი მხოლოდ 200 ერთეულით იზრდებოდა, შარშან ქვეყანაში დამატებით ასეთი 900 ავტომობილი დარეგისტრირდა. ავტოპარკის შესახებ განახლებულ მონაცემებს სტატისტიკის სამსახური აქვეყნებს.
მთლიან ავტოპარკში ელექტროავტომობილების წილი კვლავაც ძალიან დაბალია და მხოლოდ 0,21%-ს შეადგენს. კიდევ ერთი, ე.წ. მწვანე, ჰიბრიდული ძრავის ავტომობილის წილი მთლიანი ავტოპარკის 7,3%-ს შეადგენს. 2022 წელს ჰიბრიდული ავტომობილების რიცხვი 3 ათასი ერთეულით გაიზარდა და 113,9 ათასს შეადგენს.
ავტოპარკის 40%-ს ბენზინზე მომუშავე ავტომობილები შეადგენენ. მათი რაოდენობა ერთ წელიწადში 35 200-ით, 635,2 ათასამდე გაიზარდა.
ავტოპარკის 19%-ს დიზელის საწვავზე მუშაობს (300 ათასი ავტომობილი). მათი რიცხვიც მზარდია.
სტატისტიკის სამსახურის მონაცემებით, 2023 წლისთვის საქართველოს გზებზე სულ მილიონ 563 ათასზე მეტი ავტომობილი მოძრაობს. მათი რიცხვი 2022 წელს 13 ათასით გაიზარდა.
ავტომობილების რაოდენობა საწვავის ტიპის მიხედვით:
ბენზინზე მომუშავე ძრავით – 635 200
დიზელზე მომუშავე ძრავით – 300 000
ბენზინი-აირი –154 500
ჰიბრიდი – 113 900
ელექტრო – 3000
ჰიბრიდი-აირი – 4100
აირი – 1100
უცნობია – 350 200
