ევროკავშირმა სანქციების მე-11 პაკეტში შეიყვანა 90-ზე მეტი კომპანია, რომლებიც რუსეთს სანქცირებულ საქონელს აწვდიან. ამის შესახებ ევროკომისიის ხელმძღვანელმა ურსულა ფონ დერ ლაიენმა განაცხადა.
მისი თქმით, დარღვევები ყოველთვის არ არის ჩადენილი მესამე ქვეყნების მიერ, მაგრამ ამას ხშირად იქ მოქმედი კომპანიები აკეთებენ.
„ევროკავშირი დააწესებს შემაკავებელ ზომებს ასეთი საწარმოების მიმართ, სადაც არ უნდა იყვნენ ისინი”, – განაცხადა ევროკომისიამ.
რუსეთის წინააღმდეგ სანქციების მე-11 პაკეტში შესული 90 კომპანიიდან რვა ჩინეთშია, რომლებიც, ბრიუსელის თქმით, არღვევენ შემაკავებელ ზომებს და მოსკოვს სანქცირებულ საქონელს ევროკავშირის ქვეყნებიდან აწვდიან.
„ეს კომპანიები ნაწილობრივ ქაღალდზე არსებობენ და ჰყავთ სხვადასხვა ეროვნების მფლობელები,” – განმარტა ლაიენმა.
რუსეთის საგარეო საქმეთა სამინისტრომ დასავლეთის სანქციებს არალეგიტიმური უწოდა, ხოლო ფინანსთა სამინისტრომ განაცხადა, რომ ბრიუსელმა ამოწურა მოსკოვის წინააღმდეგ შეზღუდვების შესაძლებლობა.
მაისის დასაწყისში Financial Times წერდა, რომ ევროკომისია აპირებდა სანქციების დაწესებას ჩინური საწარმოს მიმართ, რომლებიც რუსეთს აწვდიან აღჭურვილობას, რომლებიც სამხედრო მიზნებისთვის გამოიყენება.
ჩინეთის საგარეო საქმეთა სამინისტრომ განაცხადა, რომ ასეთი სანქციები არღვევს ნდობას და თანამშრომლობას პეკინსა და ბრიუსელს შორის და მოუწოდა ევროკავშირს „არ დაუშვას შეცდომა”.
