ევროსტატის 2023 წლის მარტის თვის მონაცემებით, ევროკავშირში რუსეთიდან იმპორტის წილი 9,5%-დან ერთ წელიწადში 1,9%-მდე შემცირდა.
ფულად გამოსახულებაში კი იმპორტის ღირებულება 82%-ზე მეტად, €22 მილიარდიდან (2022 წლის მარტი) 2023 წლის მარტში €3,8 მილიარდამდე დაეცა.
2023 წლის პირველ კვარტალში ევროკავშირსა და რუსეთს შორის ენერგორესურსებით ვაჭრობის ბალანსი უარყოფითია და €11,3 მილიარდს შეადგენს.
განსაკუთრებული კლება ბუნებრივი აირის, ნავთობის, რკინისა და ფოლადის იმპორტის მიმართულებით ფიქსირდება.
2023 წლის 29 მარტიდან რუსეთმა დაკარგა ევროკავშირისთვის ნავთობის მთავარი მიმწოდებლის სტატუსი. უკრაინაში ომის დაწყების შემდეგ ევროკავშირში ნავთობის იმპორტში რუსეთის წილი 4%-მდე დაეცა. ახლა პირველი ადგილი აშშ-ს ეკუთვნის, რომელზეც ევროპული იმპორტის დაახლოებით 18% მოდის.
