ევროკავშირი სანქციებს ამზადებს ამერიკული ბანკებისა და ტექნოლოგიური გიგანტების წინააღმდეგ, დონალდ ტრამპის მიერ გაზრდილი ტარიფების გამო. ამის შესახებ Politico წერს.
საპასუხო ზომები სავარაუდოდ, მოიცავს გადასახადების დაწესებას აშშ-ის ტექნოლოგიური კომპანიებისთვის და შეზღუდვებს J.P. Morgan-ისა და Bank of America-თვის
ასევე ევროკავშირი განიხილავს ახალ მარეგულირებელ მოთხოვნებს X-ის, Google-ისა და Amazon-ის წინააღმდეგ.
ბრიუსელი ასევე განიხილავს სახელმწიფო კონტრაქტებზე ამერიკული კომპანიების წვდომის შეზღუდვას და ფინანსური ტრანზაქციებისთვის ახალი წესების შემოღებას.
როგორც ცნობილია დონალდ ტრამპი გეგმავს ახალი ტარიფების შემოღებას არა მხოლოდ საქონელზე, არამედ მომსახურებაზეც. ეს ნიშნავს თამაშის წესების სრულად შეცვლას ევროპული ბიზნესისთვის.
შეგახსენებთ, ვაშინგტონი 3 აპრილიდან აამოქმედებს 25%-იან ტარიფს იმპორტირებულ მანქანებსა და სათადარიგო ნაწილებზე. ამის საპასუხოდ, ევროკავშირი აპირებს, მიიღოს საპასუხო ზომები ყველა წევრი ქვეყნის დასაცავად.
