Eurostat-ის მონაცემებით, ევროზონა ოფიციალურად შევიდა რეცესიაში ზედიზედ ორი კვარტლის განმავლობაში მშპ-ის უარყოფითი მაჩვენებელი დაფიქსირების შემდეგ.
2022 წლის ბოლო კვარტალში მშპ ევროზონაში 0,1%-ით შემცირდა, ხოლო 2023 წლის პირველ კვარტალში, ეკონომიკა კიდევ 0,1%-ით შემცირდა.
ევროზონაში შინამეურნეობების ხარჯები 1%-ით შემცირდა 2022 წლის მეოთხე კვარტალში და 0,3%-ით – 2023 წლის პირველ კვარტალში.
ევროზონაში რეცესია უკრაინაში კონფლიქტის დაწყების პირველივე თვეებში ივარაუდეს.
ენერგეტიკულმა კრიზისმა, რომელიც რუსეთისთვის სანქციების დაწესების შედეგად შეიქმნა, გაზარდა ინფლაცია.
ენერგორესურსებზე ფასების ზრდამ, შინამეურნეობების მსყიდველობითი უნარის შემცირებამ და დაფინანსების გამკაცრებულმა პირობებმა ქვეყნების უმეტესობას რეცესიისკენ წაიყვანა.
მაისის დასაწყისში გერმანიამ, ევროპის უდიდესი ეკონომიკის მქონე ქვეყანამ, დაადასტურა, რომ რეცესიაში აღმოჩნდა.
ევროპის ქვეყნებს შორის მშპ-ის ყველაზე მაღალი ზრდა დაფიქსირდა პოლონეთში (+3,8%) წინა კვარტალთან შედარებით. ლუქსემბურგში დაფიქსირდა 2.0%-იანი ზრდა, ხოლო პორტუგალიაში ეკონომიკა 1.6%-ით გაიზარდა.
მშპ-ის ყველაზე მაღალი კლება დაფიქსირდა ირლანდიაში – 4,6%. ლიეტუვას ეკონომიკა 2,1%-ით და ნიდერლანდების 0,7%-ით შემცირდა.
ინფლაციის გამო შინამეურნეობების ერთჯერადი შემოსავლების შემცირება ისევ გრძელდება. შემცირებული მოთხოვნა ეკონომიკურ აქტივობას ანელებს. ამიტომ ევროსტატის ეკონომისტები ვარაუდობენ, რომ მშპ-ის ზრდა 2023 წელს 0.3%-ს მიაღწევს მთლიანობაში როგორც ევროკავშირში, ასევე ევროზონაში.
