ევროსტატის მონაცემებით, აპრილის თვეში ევროზონაში ინფლაცია 7%-მდე გაიზარდა, რაც ბოლო შვიდი თვის მაქსიმალური მაჩვენებელია.
ინფლაციის ზრდაზე ყველაზე დიდი გავლენა სურსათისა და ენერგორესურსების ფასებმა მოახდინა. საკვების, ალკოჰოლისა და თამბაქოს ფასები აპრილში გაიზარდა 2.75%-ით, მომსახურების სფეროში ფასებმა 2,21-ით მოიმატა, სამრეწველო საქონელი 1,62% -ით გაძვირდა, ხოლო ენერგომატარებლებზე ფასები 0,38 %-ით გაიზარდა.
ევროსტატის მონაცემებით, ყველაზე დაბალი წლიური ინფლაცია დაფიქსირდა ლუქსემბურგში (2.7%), ბელგიაში (3.3%) და ესპანეთში (3.8%). ფასების დონე ყველაზე მაღალი იყო უნგრეთში (24.5%), ლატვიასა (15.0%) და ჩეხეთში (14.3%).
ხოლო ევროკავშირის ქვეყნებში წლიური ინფლაცია 2023 წლის აპრილში 8,1% იყო, რაც შემცირებულია მარტის 8,3%-თან შედარებით.
ინფლაცია თითქმის ორი წელია მნიშვნელოვნად აღემატება მიზნობრივ 2%-იან მაჩვენებელს.
ევროპის ცენტრალური ბანკმა (ECB) ერთი წლის განმავლობაში მონეტარული პოლიტიკა რამდენჯერმე გაამკაცრა სამომხმარებლო ფასების ზრდის შესაჩერებლად. განაკვეთი ერთი კვირის წინ 3.25%-მდე გაიზარდა და ის სავარაუდოდ კიდევ აიწევს ცენტრალური ბანკის მომდევნო შეხვედრაზე, რომელიც ივნისშია დაგეგმილი.
