დანიის შეიარაღებულმა ძალებმა დაადასტურეს, რომ Nord Stream-ის –ჩრდილოეთ ნაკადის აფეთქების ადგილზე რუსული გემი იმყოფებოდა.
რუსული ხომალდი SS-750 გასული წლის 26 სექტემბერს, მილსადენის აფეთქებამდე ოთხი დღით ადრე, იმყოფებოდა Nord Stream გაზსადენთან.
ეს ინფორმაცია დანიის შეიარაღებულმა ძალებმა დაადასტურეს. მათ აქვთ რუსული გემის 26 ფოტო, რომელიც გადაღებულია დანიის საპატრულო გემიდან, რომელიც კუნძულ ბორნჰოლმის აღმოსავლეთით 2022 წლის 22 სექტემბერს იმყოფებოდა.
სპეციალური ხომალდი განკუთვნილია წყლის ქვეშ ოპერაციებისთვის და ბორტზე ატარებს AS-26 Priz წყალქვეშა ნავს.
სამინისტრო ფოტოებს არ ასაჯაროებს, რადგან „სადაზვერვო სამუშაოს ნაწილია“.
მანამდე გერმანულმა გამოცემა T-Online-მა დაწერა, რომ SS-750 იყო რუსეთის საზღვაო ძალების ექვსი გემიდან ერთ-ერთი, რომელიც შეიძლებოდა ყოფილიყო მილსადენთან აფეთქებამდე რამდენიმე დღით ადრე. გამოცემა სატელიტიდან გადაღებულ ფოტოებს ეყრდნობოდა.
The New York Times სადაზვერვო წყაროებზე დაყრდნობით წერდა, რომ ბალტიის ზღვაში გაზსადენების აფეთქების უკან იდგა ჯგუფი, რომლის შემადგენლობაში რუსები და უკრაინელები იყვნენ.
