ატომური ენერგიის საერთაშორისო სააგენტოს (IAEA) გენერალურმა დირექტორმა რაფაელ გროსიმ ენერგოდარში ვიზიტის შემდეგ განაცხადა, რომ კახოვკის წყალსაცავში წყლის დონე ჯერჯერობით საკმარისია რეაქტორების გასაგრილებლად, ამიტომ ატომური ელექტროსადგურის მუშაობა შეიძლება იყოს უსაფრთხო „გარკვეული დროით“.
ატომური სააგენტოს ხელმძღვანელი ენერგოდარში 15 ივნისს ჩავიდა. ვიდეომესიჯი გროსიმ Twitter-ზე გამოაქვეყნა.
„სადგური იმუშავებს წყლის შესავსებად, რათა უსაფრთხოების მახასიათებლები შენარჩუნდეს. ჩვენ გავაგრძელებთ მონიტორინგს“, – განაცხადა გროსიმ.
გროსიმ თქვა, რომ ვიზიტის დროს მან შეაგროვა საკმარისი მონაცემები და მონიტორინგს გაუწევს ატომურ ელექტროსადგურზე არსებულ ვითარებას.
გროსი ენერგოდარში, ზაპოროჟიეს ატომურ ელექტროსადგურში, ვითარების გასაცნობად ჩავიდა. მანამდე ის უკრაინის პრეზიდენტს შეხვდა და რუსების მიერ აფეთქებული კახოვკის ჰესის დახმარების პროგრამა წარუდგინა.
