TBC Capital უძრავი ქონების ბაზრის ყოველთვიურ კვლევას აქვეყნებს.
კვლევამ აჩვენა, რომ 2023 წლის მარტში თბილისის საცხოვრებელი უძრავი ქონების ბაზარზე გაყიდვების ტემპი შენელდა, როგორც 2022 წლის მარტთან, ასევე წინა თვესთან შედარებით.
თუმცა, გასაყიდმა ფასმა ზრდა განაგრძო და კვადრატული მეტრი ფართის საშუალო ფასი $1,153-ს გაუტოლდა, რაც წინა თვის მაჩვენებელს 1.5%-ით აღემატება.
გაიზარდა ქირის ფასიც და ახალ ისტორიულ მაქსიმუმს მიაღწია. კვადრატული მეტრი გასაქირავებელი ფართის საშუალო ფასმა მარტის თვეში $13.2 შეადგინა.
გასაყიდი ფასის ზრდის ხარჯზე, თბილისის საცხოვრებელი უძრავი ქონების ბაზრის ზომა წლიურად 34%-ით გაიზარდა და $261 მილიონს გაუტოლდა.
აღსანიშნავია, რომ 2023 წლის I კვარტლის მონაცემებით, თბილისში გაცემული სამშენებლო ნებართვების ფართობი წლიურად მნიშვნელოვნად არის გაზრდილი, რაც მომავალში უძრავი ქონების ჭარბი მიწოდების რისკებზე მიუთითებს. ამის გამო, ფართებზე ფასების ცვლილება, რაც 2023 წლის მეორე ნახევრიდან იყო მოსალოდნელი, შესაძლოა, უფრო ადრე დაიწყოს.
