გაზპრომმა ევროპაში ბუნებრივი აირის უკრაინის გავლით მიწოდება, 1-ელი აპრილიდან შეამცირა. ტრანზიტული ბუნებრივი აირის მოცულობა 37,4 მილიონ კუბურ მეტრი იქნება, რაც 11,5%-იანი კლებაა. აქამდე, დღეღამური მიწოდება, გაზგამანაწილებელი სადგური Sudzha-ს მეშვეობით, 47 მილიონი კუბ. მეტრს შეადგენდა.
რუსული გაზის ტრანზიტი უკრაინის გავლით იანვრიდან იზრდებოდა. 1-ელ თებერვალს ბუნებრივი აირის მიწოდებამ 24,5 მილიონიდან 29,4 მილიონ კუბურ მეტრამდე მოიმატა. 15 თებერვალს გაზპრომმა გაავრცელა ინფორმაცია, რომ სადგური Sudzha-ს გავლით, ევროპას 14,6%-ით მეტი, 35,3 მილიონი კუბური მეტრი აირი მიეწოდებოდა.
უკრაინის გაზსადენი ერთადერთი ხაზია დასავლეთ და ცენტრალური ევროპის გაზმომარაგებისთვის. მას შემდეგ, რაც, შარშან მაისში, უკრაინამ შეწყვიტა ტრანზიტული გაზის მიღება სადგური Sohranovka-ის გავლით, რადგან ტერიტორია რუსული ძალების კონტროლის ქვეშ იყო, ევროპას გაზის მისაღებად მხოლოდ ერთი მაგისტრალი დარჩა.
გაზპრომი ევროპის სამხრეთ და სამხრეთ-აღმოსავლეთ ნაწილს აირს თურქული ნაკადის და ლურჯი ნაკადის მეშვეობით აწვდის. რუსული აირის ტრანსპორტირება Yamal–Europe–ის გაზსადენით მარტში შეწყდა, ხოლო Nord Stream გასული წლის სექტემბრიდან გაჩერებულია გაზსადენზე მომხდარი აფეთქების გამო.
