დიდმა ბრიტანეთმა უარი უთხრა Microsoft-ს ვიდეოთამაშების მწარმოებელი კომპანიების – Call of Duty-ისა და Diablo-ს შეძენაზე, რაც ამ ინდუსტრიაში ყველაზე დიდი გარიგება იქნებოდა.
Microsoft ვიდეოთამაშების მწარმოებელი Activision Blizzard-ს თითქმის $69 მილიარდად ყიდულობდა, მაგრამ გარიგება ბრიტანეთის კონკურენციისა და ბაზრის რეგულირების სააგენტომ დაბლოკა.
მარეგულირებელმა ჩათვალა, რომ ეს გარიგება კონკურენციის წესებს არღვევდა და კომპანიების გარიგების შემთხვევაში გეიმერებს თამაშების ნაკლები არჩევანი ექნებოდათ.
Microsoft-მა განაცხადა, რომ გადაწყვეტილებას აუცილებლად გაასაჩივრებს.
აშშ-ის ფედერალურ სავაჭრო კომისიას ასევე გადაწყვეტილი აქვს, დაბლოკოს გარიგება Microsoft-ს და Activision-ს შორის. ამ საკითხის განხილვა სავაჭრო კომისიაში აგვისტოშია დაგეგმილი.
Microsoft-მა 2022 წლის იანვარში გამოაცხადა, რომ შეიძენს ვიდეოთამაშების გამომცემელს –Activision Blizzard-ს $68,7 მილიარდად. თუ გარიგება დამტკიცდება, Microsoft მიიღებს კომპანიის თამაშების მთელ კატალოგს, მათ შორის იქნება Call of Duty, World of Warcraft, Diablo და Candy Crush.
