დიდი ბრიტანეთის ხაზინამ გაერთიანებული სამეფოს დედოფალ ელისაბედ II-ის დაკრძალვის ხარჯები გამოაქვეყნა. ხაზინის მონაცემებით, დაკრძალვის და გლოვის ღონისძიებები $200 მილიონამდე დაჯდა (162 მილიონი ფუნტი).
საუბარია 10-დღიან მოვლენებზე, როდესაც დედაქალაქში ათასობით ადამიანი შეიკრიბა.
ყველაზე დიდი თანხა – 74 მილიონი ფუნტი შინაგან საქმეთა სამინისტროს მიერ განხორციელებულ ღონისძიებებზე დაიხარჯა; მეორე ადგილზე კულტურის, მედიისა და სპორტის სამინისტროს ხარჯები იყო.
შოტლანდიის მთავრობამ მოვლენებთან დაკავშირებით 18,8 მილიონი ფუნტი დახარჯა, ხოლო უელსისა და ჩრდილოეთ ირლანდიის მთავრობებმა, თითოეულმა, დაახლოებით 2 მილიონი ფუნტი. ხაზინის ინფორმაციით, მათ ხარჯები ცენტრალური ბიუჯეტიდან აუნაზღაურეს.
დედოფალი ელისაბედ II 2022 წლის 8 სექტემბერს გარდაიცვალა.
