ბოლო დროს დაწყებული სკანდალის შემდეგ ბრიტანეთის პრემიერ-მინისტრმა გამოაქვეყნა ქონებრივი დეკლარაცია, სადაც ბიზნესში მისი მეუღლის წილი უკვე შეტანილი აქვს.
ბრიტანეთის პრემიერ-მინისტრმა რიში სუნაკმა დეკლარაციაში მიუთითა, რომ მის მეუღლეს აქვს წილი კერძო კომპანიაში, რომელიც ბავშვთა მოვლის სერვისს ახორციელებს, – ამის შესახებ BBC იუწყება.
ოთხშაბათს გამოქვეყნდა მთავრობის წევრების დეკლარაციები, სადაც შეტანილია ინფორმაცია ბიზნესში მათი ფინანსური მონაწილეობის, ძვირფასი საჩუქრებისა და ტრანზაქციების შესახებ. ასევე, შეტანილია ინფორმაცია სუნაკის მეუღლის წილების შესახებაც.
პრემიერის მეუღლის წილი არ იყო ნახსენები დეკლარაციის ბოლო ვერსიაში, რომელიც 2022 წლის მაისშია შედგენილი. მაშინ, როდესაც სუნაკი ჯერ კიდევ ფინანსთა მინისტრი იყო.
შეგახსენებთ, რომ დიდი ბრიტანეთის თემთა პალატის ეთიკის კომიტეტმა დაიწყო გამოძიება სუნაკის წინააღმდეგ მისი მეუღლის აკშატა მერთის მიერ ბავშვთა მოვლის კერძო კომპანიაში წილის სავარაუდო ფლობის გამო.
