ბიუჯეტში ჯარიმების სახით გადახდილი თანხები იზრდება.
სახელმწიფო ხაზინის მონაცემებით, 2023 წლის იანვარ-თებერვალში ბიუჯეტში სანქციების, ჯარიმების და საურავების სახით დარიცხული 52, 637 მილიონი ლარი შევიდა. რაც გასული წლის ანალოგიურ პერიოდთან შედარებით, თითქმის 51%-ით არის გაზრდილი.
ამ თანხიდან 22, 350 მილიონ ლარზე მეტი სახელმწიფო ბიუჯეტში ჩაირიცხა, ხოლო 30, 286 ლარი ტერიტორიული ერთეულების ბიუჯეტში შევიდა.
რეკორდული იყო ჯარიმებიდან ბიუჯეტში 2022 წელს ჩარიცხული თანხები. გასული წლის განმავლობაში, ბიუჯეტში სანქციებიდან, ჯარიმებიდან და საურავებიდან 281,742 მილიონი ლარი ჩაირიცხა. აქედან, სახელმწიფო ბიუჯეტში – 129, 720 მილიონი ლარი შევიდა, ხოლო ტერიტორიული ერთეულების ბიუჯეტში – 152 021 644 ლარი.
სახელმწიფო ხაზინის მონაცემებით, 2023 წლის იანვარ-თებერვალში საქართველოს ნაერთი ბიუჯეტის შემოსულობებმა 5,511 მილიარდი ლარი შეადგინა.
