2023 წლის იანვარში თბილისში ბინების გაყიდვებმა იკლო. იანვარში წინა თვესთან შედარებით 26%-ით ნაკლები ბინაა გაყიდული. თუმცა, ბინების გაყიდვების წლიური მაჩვენებელი მნიშვნელოვნად (+17%-ით) არის გაზრდილი. იანვარში ბაზარზე დაბალი აქტივობა, დეკემბერთან შედარებით, სეზონური ფაქტორებით აიხსნება. თბილისის უძრავი ქონების ბაზრის მიმოხილვა TBC Capital-მა გამოაქვეყნა.
ბინების გასაყიდმა ფასმა იანვარშიც მოიმატა, ზრდა +2.7% იყო და ერთი კვ. მეტრის საშუალო ფასი $1,103-ს გაუტოლდა. გასაყიდი ფასი წინა წლის იმავე პერიოდის მაჩვენებელს 30%-ით აღემატება.
მზარდი ტენდენცია შენარჩუნდა ქირის შემთხვევაშიც, 2023 წლის იანვარში, წინა წლის ანალოგიურ პერიოდთან შედარებით, დედაქალაქში ბინის ქირის ფასი გაიზარდა 119%-ით, 2022 წლის დეკემბერთან შედარებით ზრდა +3.3%-ია.
