ბანკები ანაბრებზე დარიცხულ სარგებელს ამცირებენ

კომერციულ ბანკებში შეტანილ ანაბრებზე საპროცენტო სარგებელი მცირდება.

წლიური სარგებლის პროცენტს ყველა კომერციულ ბანკმა გადახედა და ვადიან დეპოზიტებზე საშუალოდ 0,25-0,5%-ით შეამცირა.

განაკვეთის შემცირება ეროვნული ბანკის მიერ მონეტარული პოლიტიკის შერბილების კვალდაკვალ მოხდა.

28 მაისის მდგომარეობით, ლარში გახსნილ 1-წლიან ვადიან ანაბარზე ყველაზე მაღალი სარგებელი ამჟამად ბაზისბანკს აქვს. ბანკი დეპოზიტს წლიურად 10,53%-ს არიცხავს.

რაც შეეხება უცხოურ ვალუტაში გახსნილ ანაბრებს, აშშ დოლარში ყველაზე მაღალ სარგებელ ლიბერთი არიცხავს -3.9%-ს,  ხოლო ევროში გახსნიულ ანაბარზე ყველაზე მაღალი შეთავაზება ამჟამად ტერა ბანკს აქვს 2,5%.

შესაძლოა, ბანკებმა განაკვეთები კიდევ შეამცირონ, მაისში ეროვნული ბანკის მიერ რეფინანსირების განაკვეთის 8%-მდე დაწევის გავლენით. მონეტარული პოლიტიკის შემსუბუქება საბანკო დეპოზიტების პროცენტებზე სავარაუდოდ, მოგვიანებით აისახება.

კომერციული ბანკები      ლარი      დოლარი      ევრო

თიბისი                               10%            1,5%             0,4%

საქართველოს ბანკი       9,81%         1,5%             0,4%

ლიბრთი ბანკი                 10,20%        3,9%            1,5%

ბაზისბანკი                      10,53%         3,51%          2%

ქართუ ბანკი                     9,25%          3,25%          2%

პროკრედიტბანკი              9,38%          2,12%         1,61%

ტერა ბანკი                        10,50%         3,20%         2,50%