აშშ-ის პრეზიდენტ ჯო ბაიდენსა და NATO-ს გენერალურ მდივან იენს სტოლტენბერგს შორის თეთრ სახლში დაგეგმილი შეხვედრა სამშაბათისთვის გადაიდო.
მიზეზი ბაიდენის კბილის ტკივილია. აშშ-ის პრეზიდენტმა თქვა, რომ მარჯვენა ქვედა კბილი ასტკივდა, რომელიც შემდეგ სტომატოლოგებმა ამოუღეს.
პრეზიდენტის ადმინისტრაციაში განაცხადეს, რომ ოპერაცია თეთრი სახლის სტომატოლოგიურ კაბინეტში ანესთეზიის გარეშე ჩატარდა.
ჯო ბაიდენს იენს სტოლტენბერგთან შეხვედრისას, ვილნიუსში დაგეგმილი NATO-ს სამიტის მომზადების და უკრაინის მხარდაჭერის საკითხები უნდა განეხილა. ასევე, მათ უნდა ესაუბრათ ალიანსის ახალი ხელმძღვანელის კანდიდატურის შესახებაც.
სტოლტენბერგმა, რომელიც NATO-ს 2014 წლიდან ხელმძღვანელობს, წლის დასაწყისში განაცხადა, რომ სექტემბრის ბოლოს გადადგება, როდესაც მისი თანამდებობაზე ყოფნის ვადა ამოიწურება.
