აშშ-ს ბიუჯეტის პრიორიტეტები- გადასახადების გაზრდა და ხარჯების შემცირება
ჯო ბაიდენი მდიდრებს ახალ გადასახადს უწესებს. თეთრი სახლის მიზანი ფედერალური დეფიციტის შემცირებაა. 2024 წლის ბიუჯეტის გეგმის მიხედვით, გადასახადით შემოსულმა თანხამ ბიუჯეტის დეფიციტი $3 ტრილიონით უნდა შეამციროს მომდევნო ხუთი წლის განმავლობაში. ამასთან პრეზიდენტმა ბაიდენმა პირობა დადო, რომ ფედერალურ ხარჯებს მკვეთრად შეამცირებს .
2024 წლის ბიუჯეტი $6,8 ტრილიონს შეადგენს. აქედან, $885 მილიარდი თავდაცვის ხარჯები იქნება.
ბიუჯეტის მთავარი პრიორიტეტია, სამედიცინო დაცვის ფონდის-Medicare-ის გაზრდა,ამიტომ ფონდში შენატანი 3.8%-დან 5.%-მდე გაიზრდება. Medicare-თვის მეტს გადაიხდის ის, ვინც წელიწადში $400,000-ზე მეტს გამოიმუშავებს. მდიდარი ამერიკელების აღნიშნულ კატეგორიას 21%-დან 28%-მდე, გაეზრდება კორპორატიული გადასახადი.
„მილიარერთა გადასახადი“
მომავალი წლის გეგმა ასევე მოიცავს ბაიდენის მიერ ადრე დაპირებულ „მილიარერთა გადასახადს“, რომელიც დაწესებს მინიმუმ 25%-იან განაკვეთს არარეალიზებულ კაპიტალზე. ამ გადასახადის სახით, მომდევნო 10 წლის განმავლობაში. მთლიანობაში ბიუჯეტში $5 ტრილიონი უნდა შევიდეს.
რესპუბლიკელთა ნაციონალურმა კომიტეტმა(GOP) უკვე გამოთქვა პოზიცია, მკვეთრად შემცირდეს ხარჯები საგარეო დახმარებაზე, ჯანდაცვასა და საბინაო პროგრამებზე. თუმცა, ბაიდენის წინადადებას რესპუბლიკელების მხრიდან ალბათ, დიდი წინააღმდეგობა არ შეხვდება. კონგრესმა ახალი ბიუჯეტი სექტემბრის ბოლოს უნდა მიიღოს.
