აშშ უკრაინისთვის საჰაერო თავდაცვის სისტემა Patriot-ების და Abrams-ის ტანკების მიწოდებას დააჩქარებს. სამხედრო ტექნიკა უკრაინაში უახლოეს კვირებში ჩავა.
პარალელურად, 65 უკრაინელი სამხედრო ამერიკის ბაზა ფორტ-სილში წვრთნების დასრულებისთანავე, ევროპაში გაემგზავრება, რათა Patriot-ის სისსისტემაზე გაიაროს მომზადება. ამის შესახებ CNN-ი აშშ-ის თავდაცვის უწყების წარმომადგენლებზე დაყრდნობით იტყობინება.
ასევე, ცნობილი გახდა, რომ აშშ უკრაინისთვის Abrams-ების მიწოდებასაც დააჩქარებს. უკრაინაში ამ ტანკების M1-A1 მოდელები გაიგზავნება. აშშ უფრო თანამედროვე M1-A2-ების გადაცემას აპირებდა, მაგრამ ახალი ტანკების დამზადებას და სამხედროების გაწვრთნა დაგვიანდებოდა, ამიტომ შედარებით ძველი მოდელების გაგზავნა გადაწყდა. M1-A1 მოდელის ტანკები ფრონტზე შემოდგომისთვის უნდა გამოჩნდეს. სულ უკრაინისთვის 31 ამერიკული ტანკის გადაცემა იგეგმება.
