აშშ-ის ფედერალურმა რეზერვმა(FED) მონეტარული პოლიტიკის განაკვეთი 50 პუნქტით შეამცირა. განაკვეთი შემცირდა 4.8%-მდე, 5.3%-დან, რომელიც 14 თვის განმავლობაში უცვლელი იყო.
მკაცრი მონეტარული პოლიტიკის შერბილებას ხელი შეუწყო ინფლაციის კლებამ.
ინფლაცია აგვისტოში დაეცა სამწლიან მინიმუმამდე 2,5%-მდე, რაც ბევრად მაღალი აღარ არის Fed-ის სამიზნე 2%-იან მაჩვენებელზე.
Fed-ის პოლიტიკის შემქმნელებმა ასევე მიანიშნეს, რომ ისინი არ გამორიცხავენ განაკვეთის შემცირებას კიდევ 50 პუნქტით მიმდინარე წლის ბოლო ორ შეხვედრაზე, რომლებიც ნოემბერსა და დეკემბერში გაიმართება. ასევე ვარაუდობენ განაკვეთის კიდევ ოთხ შემცირებას 2025 წელს და 2026 წელს.
Fed-ის მიერ განაკვეთების შემცირებამ დროთა განმავლობაში უნდა შეამციროს იპოთეკური, ავტო სესხებისა და საკრედიტო ბარათების განაკვეთები, ასევე, ხელი უნდა შეუწყოს უფრო მეტ ხარჯვასა და ეკონომიკურ ზრდას.
