აშშ-ის სახელმწიფო დეპარტამენტი თბილისში განვითარებულ მოვლენებს გამოეხმაურა, რომელიც ე.წ. აგენტების შესახებ კანონპროექტის განხილვას მოჰყვა.
სახელმწიფო დეპარტამენტის პრესსპიკერმა ნედ პრაისმა ბრიფინგზე განაცხადა, რომ „უცხოეთის აგენტების კანონი” შეაფერხებს ქართველი ხალხის მისწრაფებებს, ასევე, „შეფერხება იქნება შეერთებული შტატების უნარისთვის, იყოს ქართველი ხალხის პარტნიორი“.
ხოლო კითხვაზე, რა უშლის მათ ხელს, სანქციები დააწესოს ბიძინა ივანიშვილის წინააღმდეგ, რომელიც დგას განვითარებული მოვლენების უკან, პრაისმა უპასუხა:
„როგორც იცით, კონკრეტულ პიროვნებებზე ან დაწესებულებზე არ ვსაუბრობ ხოლმე, რომლებიც აშშ-ის ან ნებისმიერი სხვა სანქციების სამიზნეები შესაძლოა გახდნენ. თუმცა, გაგვაჩნია რიგი ინსტრუმენტები, რომლებიც საშუალებას მოგვცემს, ანგარიშვალდებულებაში გვყავდეს ნებისმიერი ადამიანი, ნებისმიერ ქვეყანაში, ვინც პასუხისმგებელია უნივერსალური ადამიანის უფლების დარღვევაზე.
ახლოდან დავაკვირდებით ამ კონტექსტში, როგორც ნებისმიერ სხვა კონტექსტში, რათა ანგარიშვალდებულებაში გვყავდეს ისინი, ვინც შეეწინააღმდეგება ქართველი ხალხის ნებას. და რაც ყველაზე მნიშვნელოვანია, იმას, თუ რას ელის და იმსახურებს ქართველი ხალხი“, – თქვა პრაისმა.
