აშშ-მა სანქციები დააკისრა საერთაშორისო საინვესტიციო ბანკს (IIB) და მათ ხელმძღვანელებს.
აშშ-ის ფინანსთა სამინისტროს უცხოური აქტივების კონტროლის ოფისის (OFAC) სიაში მოხვდნენ ბანკის ხელმძღვანელი ნიკოლაი კოსოვი და ბანკის საბჭოს თავმჯდომარის მოადგილეები გიორგი პოტაპოვი და უნგრეთის მოქალაქე იმრე ლასლოცკი.
ფინანსთა სამინისტრო განმარტავს, რომ საინვესტიციო ბანკის ხელმძღვანელები რუსეთის ფედერაციის ოფიციალურ პირებთან ათანხმებდნენ IIB-ის ბიზნესთან დაკავშირებულ საკითხებს 2022 წლის თებერვალში უკრაინაში რუსეთის შეჭრის შემდეგაც.
IIB საერთაშორისო ფინანსური ორგანიზაციაა, რომელიც ეკონომიკური ურთიერთდახმარების საბჭოს წევრი ქვეყნების მიერ 1970 წელს დაარსდა. ამჟამად ბანკის წევრები არიან რუსეთი, უნგრეთი, ბულგარეთი, ვიეტნამი, კუბა, მონღოლეთი და რუმინეთი. მისი საქმიანობის ძირითადი მიმართულებაა საინვესტიციო პროექტების დაკრედიტება.
IIB-ის სათაო ოფისი ბუდაპეშტში მდებარეობს.
