აშშ-ს ეროვნული უშიშროების საბჭოს(NSC) სპიკერმა განაცხადა, რომ აშშ მზადაა რუსეთთან შეხვედრისთვის ბირთვული იარაღის შეთანხმების განსახილველად. ეს არის საბჭოს პასუხი რუსეთის პრეზიდენტის ვლადიმერ პუტინის განცხადებაზე, რომ აჩერებს მონაწილეობას შეერთებულ შტატებთან ბირთვული იარაღის შემცირების შეთანხმება New START– ში. რუსეთის ეს გადაწყვეტილება საფრთხეს უქმნის შეთანხმებას, რომელიც არეგულირებს მსოფლიოს ორ უდიდეს ბირთვულ არსენალს. შეთანხმებას 2010 წელს აშშ-ს პრეზიდენტმა ბარაკ ობამამ და მისმა რუსმა კოლეგამ დიმიტრი მედვედევმა მოაწერეს ხელი. აღნიშნული ხელშეკრულება ზღუდავს სტრატეგიული ბირთვული ქობინების რაოდენობას, რომლებიც შეერთებულ შტატებსა და რუსეთს შეუძლიათ განათავსონ.
„ჩვენ მზად ვართ რუსეთთან ხელშეკრულების და ბირთვული სტაბილურობის საკითხების განსახილველად, როგორც ეს მოხდა რისკის შემცირების შესახებ ჩვენ ბოლო P5 შეხვედრაზე. როგორც უკვე ვთქვით, რაც არ უნდა მოხდეს მსოფლიოში, შეერთებული შტატები მზადაა განახორციელოს იარაღის კონტროლის მკაცრი ღონისძიებები“, – ნათქვამია NSC-ის სპიკერის განცხადებაში.
მანამდე აშშ-ის სახელმწიფო მდივანმა ანტონი ბლინკენმა რუსეთის გადაწყვეტილებას “ღრმად სამწუხარო და უპასუხისმგებლო” უწოდა.
