ყაზახეთი გეგმავს ვაშინგტონში სავაჭრო მოლაპარაკებებისთვის დელეგაციის გაგზავნას. ვიზიტის მიზანი ტარიფებზე და ვაჭრობასთან დაკავშირებულ სხვა საკითხებზე შეთანხმების მიღწევაა.
აშშ-ის მიერ საბაჟო ტარიფების დაწესების მიუხედავად, ყაზახეთმა არაკონფრონტაციული მიდგომა აირჩია.
თავის მხრივ, შეერთებული შტატები ყაზახეთის იშვიათი წიაღისეულით არის დაინტერესებული.
დონალდ ტრამპის ადმინისტრაციამ, ხელისუფლებაში მოსვლის შემდეგ, ყაზახეთის იშვიათი წიაღისეული რესურსების მიმართ ინტერესი არაერთხელ გამოხატა.
აშშ-ის ელჩმა ყაზახეთში, დებორა რობინსონმა, ცოტა ხნის წინ დაადასტურა, რომ აშშ დაინტერესებულია “კერძო და საჯარო სექტორის თანამშრომლობით კრიტიკული მინერალების სექტორში”.
ყაზახეთის ეროვნული გეოლოგიური სამსახურის ინფორმაციით, ქვეყანას 15 იშვიათი დედამიწის წიაღისეულის საბადო აქვს. ფლობს ლანთანის, სკანდიუმის და იტრიუმის მარაგებს, რომლებიც გამოიყენება მაღალტექნოლოგიური მოწყობილობებში, მათ შორის სმარტფონებში, ციფრულ კამერებში, კომპიუტერის მყარ დისკებსა და მონიტორებში. ყაზახეთში ასევე არის ვოლფრამის, მოლიბდენის, ლითიუმის, ტანტალის და ნიობიუმის საბადოები.
ტრამპის ტარიფები ყაზახეთს
ტრამპის ადმინისტრაციამ თავდაპირველად ყაზახური საქონელზე 27%-იანი სატარიფო განაკვეთი დააწესა, მაგრამ შემდეგ ეს განაკვეთი დროებით 10%-მდე შეამცირა. გარდა ამისა, ტრამპის ადმინისტრაციამ 90-დღიანი პაუზა გამოაცხადა ტარიფების დაწესებაზე.
ყაზახეთის ვაჭრობის მინისტრის მოადგილემ ჟანელ კუშუკოვამ 17 აპრილს ჟურნალისტებს განუცხადა, რომ ყაზახეთს არ აპირებს ამერიკულ საქონელზე საპასუხო ტარიფების დაწესებას და თქვა, რომ თავშეკავების მთავარი ფაქტორი ევრაზიის ეკონომიკური კავშირის (EAEU) წევრობაა.
„ერთიანი საბაჟო ტარიფი ვრცელდება EAEU-ს ხუთ წევრ სახელმწიფოზე. ანუ, თუ იმპორტირებულ საქონელზე გადასახადი შეიცვლება, მაშინ ეს შეიძლება იყოს მხოლოდ ხუთის გადაწყვეტილებით. მაგრამ დღეს ასეთი საკითხი არც განიხილება“, – თქვა კუშკოვამ.
2024 წელს ყაზახეთს ცენტრალური აზიის ქვეყნებს შორის ყველაზე მაღალი სავაჭრო ბრუნვა ჰქონდა შეერთებულ შტატებთან, სულ $3,4 მილიარდის, რომლის ორ მესამედზე მეტი ნახშირბადის რესურსები და სხვა საქონელი იყო.
ყაზახეთის ოფიციალურმა პირებმა აღნიშნეს, რომ ენერგეტიკისა და სხვა ნედლეულის ექსპორტი გათავისუფლდება ტარიფებისგან აშშ-ს არსებული ჩარჩოს მიხედვით. ყაზახეთის დელეგაცია ვაშინგტონში ტარიფების გარდა სხვა საკითხებსაც განიხილავს.
