აშშ-ის ეროვნული უსაფრთხოების საბჭოს ოფიციალურმა წარმომადგენელმა, ჯონ კირბიმ რუსეთში მყოფ აშშ-ის მოქალაქეებს, მათ შორის, ჟურნალისტებს, რუსეთის ტერიტორიის დატოვებისკენ მოუწოდა. ჯონ კირბის მოწოდებას CNN-ი ავრცელებს.
„ახლა არ არის დრო, რომ ამერიკელები რუსეთში იყვნენ. თუ რუსეთში ხართ – არ აქვს მნიშვნელობა, საქმეზე, დასასვენებლად, ნებისმიერი სხვა მიზნით – ახლავე უნდა დატოვოთ რუსეთი. რუსეთი არ არის თქვენთვის საუკეთესო ადგილი, თუნდაც იყოთ მოქმედი ჟურნალისტი. რუსეთი ახლა მტრულად განწყობილი სივრცეა ამერიკის მოქალაქეებისთვის”, – განაცხადა კირბიმ.
აშშ-ის მოქალაქეებს რუსეთის დატოვებისკენ აშშ-ის სახელმწიფო მდივანმა, ენტონი ბლინკენმაც მოუწოდა. თეთრმა სახლმა ასევე, მიმართა თავის მოქალაქეებმა, არ წავიდნენ რუსეთში.
თეთრი სახლის რეაქცია მოჰყვა მოსკოვში Wall Street Journal-ის ჟურნალისტის, ევან გერშკოვიჩეს ჯაშუშობის ბრალდებით დაკავებას. ჟურნალისტი 30 მარტს საგამოძიებო იზოლატორში გადაიყვანეს. რუსეთმა ჟურნალისტი ამერიკის დავალებით, სამხედრო-სამრეწველო კომპლექსის შესახებ საიდუმლო ცნობების შეგროვებაში დაადანაშაულა.
