საქართველოს პრემიერ-მინისტრმი ირაკლი ღარიბაშვილი დღეს, ბაქოში აზერბაიჯანის პრეზიდენტ ილჰამ ალიევს შეხვდა. მხარეებმა განიხილეს ბაქო-თბილისი-ყარსის რკინიგზის, შავი ზღვის წყალქვეშა კაბელის პროეტის, ენერგორესურსების ევროპაში ტრანსპორტირებისა და სხვა საკითხები.
„საქართველო აზერბაიჯანთან კოორდინირებულად მუშაობს შუა დერეფნის განვითარებაზე”, – ამის შესახებ ირაკლი ღარიბაშვილმა ილჰამ ალიევთან შეხვედრის შემდეგ განაცხადა.
მან იმედი გამოთქვა, რომ შუა დერეფნის განვითარებისთვის ყველა დაბრკოლება მალე მოიხსნება.
„ჩვენ ერთობლივად უნდა განვავითაროთ ინფრასტრუქტურა – ჩვენი პორტები და რკინიგზა. ამჟამად ვმუშაობთ საქართველოში ახალი პორტის მშენებლობაზე”, – განაცხადა ირაკლი ღარიბაშვილმა.
საქართველოს პრემიერ-მინისტრმა დასძინა, რომ დაგეგმილია, ბაქო-თბილისი-ყარსის სარკინიგზო მაგისტრალის გაფართოება, რაც ერთ წელიწადში მოხდება, რაც ასევე გაზრდის საქონლის ნაკადს შუა დერეფნის გასწვრივ.
„ახლა მთავარი მიზანი რეგიონში მშვიდობისა და სტაბილურობის უზრუნველყოფაა. ჩვენ უნდა განვახორციელოთ მეტი რეგიონული პროექტები და გავაგრძელოთ მათზე მუშაობა, როგორც ძმებმა და მეზობლებმა”, –განაცხადა ღარიბაშვილმა.
„საქართველო და აზერბაიჯანი არიან ქვეყნები, რომლებიც მნიშვნელოვან როლს ასრულებენ ევროპის ენერგეტიკულ უსაფრთხოებაში.
შუა დერეფნით ახალი ტვირთის გატარება მოხდება. ყველა ადმინისტრაციული ზომა უნდა გამოვიყენოთ იმისთვის, რომ შუა დერეფანში საერთო სატარიფო პოლიტიკა იყოს, რათა მოვიზიდოთ გადამზიდავები”, – განაცხადა ალიევმა.
