საგადასახადო და საბაჟო კოდექსებში რამდენიმე მნიშვნელოვანი ცვლილება განხორციელდა.
ცვლილება შეეხო ავტომობილების რეექსპორტსაც, კერძოდ – რეექსპორტისთვის განკუთვნილი ავტომობილების განბაჟების დროს გადახდილი აქციზისა და იმპორტის გადასახადების დაბრუნების ვადებს.
იმპორტიორებს, რომლებსაც ავტომობილები რეექსპორტზე გაჰყავთ, აქამდე, განბაჟების დროს გადახდილ აქციზის გადასახადი 90 დღის ვადაში, უკან უბრუნდებოდათ. საგადასახადო კოდექსში შესული ცვლილებებით, აქციზის სახით გადახდილი თანხის უკან დაბრუნების ვადა 180 დღემდე იზრდება.
ავტოიმპორტიორებს 180 დღე აქვთ ავტომობილის რეექსპორტისთვის. თუ ისინი ამ ვადაში გაიყვანენ ავტომობილს ექსპორტზე, აქციზის თანხის უკან სრულად დაბრუნებას შეძლებენ.
აქციზის თანხის გარდა, ავტო იმპორტიორები რეექსპორტის ვადის დაცვის შემთხვევაში, იმპორტის გადასახადის უკან დაბრუნებაც შეეძლებათ.
ცვლილება 18 აპრილიდან ამოქმედდა.
