2023 წელს საქართველოდან სოფლის მეურნეობის პროდუქციის ექსპორტის მზარდი ტენდენციაა, – ამის შესახებ გარემოს დაცვის და სოფლის მეურნეობის მინისტრმა ოთარ შამუგიამ პარლამენტში გამოსვლისას განაცხადა.
მინისტრის თქმით, პირველ კვარტალში, ექსპორტი, წინა წლის ანალოგიურ პერიოდთან შედარებით, 29%-ით გაიზარდა, ხოლო ევროკავშირში ქართული აგროსასურსათო პროდუქციის ექსპორტი 21%-ით არის მომატებული.
ოთარ შამუგიას თქმით, 2022 წელს, საქართველოდან მსოფლიოს 96 ქვეყანაში ექსპორტირებულია რეკორდული, $1.3 მილიარდამდე ღირებულების, აგროსასურსათო პროდუქცია, რაც 2020 წლის მაჩვენებელს 34%-ით, ხოლო 2021 წლის მაჩვენებელს 10.5%-ით აღემატება.
მისივე განცხადებით, ბოლო 10 წელიწადში ქართულმა აგროსასურსათო პროდუქციამ ექსპორტის თითქმის 147%-იანი ზრდა აჩვენა.
