რა დასახელების პროდუქტზეა ყველაზე დიდი მოთხოვნა
გასულ წელს საქართველოდან $1.26 მილიარდის აგროსასურსათო პროდუქციის ექსპორტი განხორციელდა. 2021 წელთან შედარებით ზრდა 11%-ია. ოფიციალურ მონაცემებს გარემოს დაცვისა და სოფლის მეურნეობის სამინისტრო აქვეყნებს.
საექსპორტო პროდუქციის ჩამონათვალში ყველაზე დიდი წილი ღვინოს უკავია – მთლიანი ექსპორტის 20%. ამასთან, უცხოეთში გატანილი ღვინის მოცულობა 2022 წელს 28%-ით არის გაზრდილი.
სპირტიანი სასმელების წილი ექსპორტში 12%-ია და მისი ოდენობა გასულ წელს 18%-ით შემცირდა.
მინერალური და მტკნარი წყლები – 9%, 22%-ით შემცირდა;
კაკლოვანი ხილი (ძირითადად თხილი) – 8%, ექსპორტზე გატანილი თხილის რაოდენობა შარშან 1%-ით შემცირდა, რაც მისი ღირებულების კლებამ განაპირობა;
უალკოჰოლო გაზიანი სასმელები – 7%, ექსპორტი 30%-ით გაიზარდა;
მსხვილფეხა რქოსანი პირუტყვი – 5%, ექსპორტი 62%-ით გაიზარდა.
2022 წელს საქართველოდან აგროსასურსათო პროდუქტების ექსპორტი 96 ქვეყანაში განხორციელდა.
